مركز السوق السعودي - ممنـــــــــــــــــــــوع الدخــــــــــــــــــــــول

مركز السوق السعودي (https://mrkazksa.com/vb/index.php)

- المركز الادبي (https://mrkazksa.com/vb/forumdisplay.php?f=19)

رد: ممنـــــــــــــــــــــوع الدخــــــــــــــــــــــول

السلام عليكم يااحلووووين

منوورين اتمنى تعجبكم هذه القصيده

القصــــــــيده تقــول

ماني بمن يقنع لشوفت مدمعك

لاوالذي في كل الاوقات نرجيه

ان كان عندك ماتقوله بسمعك

بس الحذر بالعذر كذبك يجاريه

قلي عذر صادق اذا كان مقنعك

والا سكوتك عن كلامك انا ابيه

صدقني مافكرت في يوم اخدعك

وأن قلبي مــل حــبــك وطــاريه

لكن أذا فكرت في يوم بفــجعـــك

والحب من قلبي بشيله وبرمــيه

وافكر بجرحك وفــرق مجمــعــك

واشبك يديني بــغــيرك واخــاويه

خلك معي صادق ولــبى مطمــعك

واعطيك ماتطلب وقلبي لك اهديه

وســـــــــــــــلامتكم
منقول

رد: ممنـــــــــــــــــــــوع الدخــــــــــــــــــــــول

اما تعيش بداخلي مثل ماكنت!!!!!!!!! ولا عساها روحه من غير رده”

رد: ممنـــــــــــــــــــــوع الدخــــــــــــــــــــــول

الحب كالمعدة القوية
يهضم أي أكل
وأي كلام!

رد: ممنـــــــــــــــــــــوع الدخــــــــــــــــــــــول

المشكله لا صرت بين اختيارين .. مستقبلك ولا حبيبـ(ن) تودهـ
مستقبلك يمكن تعوضه بعدين .. ولا حبيبك لو راح منهو يردهـ

رد: ممنـــــــــــــــــــــوع الدخــــــــــــــــــــــول

روحي وغيبي واختفي عن حياتي
مهما ابتعدتي ماتعدين الاهداب

رد: ممنـــــــــــــــــــــوع الدخــــــــــــــــــــــول

اقتباس:

المشاركة الأصلية كتبت بواسطة ابو تايب (المشاركة 1718735)

المستقبل قبل الحبيب ابوتايب

رد: ممنـــــــــــــــــــــوع الدخــــــــــــــــــــــول

وعذلت اهل العشق حتى ذقته
فعجبت كيف يموت من لا يعشق
http://www.youtube.com/watch?v=u-Oeqg7hkt0

رد: ممنـــــــــــــــــــــوع الدخــــــــــــــــــــــول

اقتباس:

المشاركة الأصلية كتبت بواسطة هاجر الأيام (المشاركة 1718639)

وعووووووه

ياليتني شاعر وانظم من القاف قاف يلقفه قاف
.........لكني من بدة االناس ما الله خــــلقني بشاعر

صحيح المس مشاعر وذا إحساس مــــــرهاف
........لكن عيوبي ودتني لدروب المــــــــــــــــخاطر

أحكي لذا وذاك وما قد خـــــــــــفت من سياف
........ إلا الذي يخاف منه من سجد له في المحاجر

...........

ويقول يابنتي ،،،،،

يقول من عـدى علـى راس عالـي ......رجم طويـل يذهلـه كـل قرنـاس
في راس مرجـوم عسيـر المنالـى .......يشتاق له منـدك بالقلـب هوجـاس
قعدت فـي راسـه وحيـد لحالـى.........والقلب في لجات الافكـار غطـاس
وقعـدت اعـد ابامهـا والليـالـى...........دنيا تقلـب مـا عرفنـا لهـا قيـاس
دنيـا تفـرق بيـن غالـى وغالـى.........لو شفت منها ربح يرجـع للافـلاس
يا ما هفا بـه مـن رجـال مدالـى.........ما كنهم ركبوا على قـب الافـراس
ولا رددوا صـم الرمـك للتـوالـى...........ولا ثار عج الخيل في كل مـرواس
ولا قلطوهـن للكمـيـن المـوالـى..........ولا صار فوق ظهورهن شلع الانفاس
في حومـة الهيجـا لهـن اجتوالـى.......كل يبى من زايـة الفعـل نومـاس
من بينهـم عـود الجنـا والسلالـى........مثـل البـروق اللـيـل الادمــاس
يقطعك دنيـا مـا لهـا أول وتالـى......لو اضحكت تبكى وتوريك الاتعـاس
يا ابجاد شب النار وادنـى الدلالـى.....واكسر لنا يا ابجاد ما يقعـد الـراس
فنجـال يغـدي مـا تصـور ببالـى.........وروابع تضرب بها اخماس وأسداس
لعـل قصـر مـا يجيبـه اظلالـى...........ينهـد مـن عالـى مبانيـه للسـاس
لى صار ما هـو مدهـل للرجالـى.........وملجأ لمن هو يشكى الظيم والبـاس
بحسناك ما منشى حقـوق الخيالـى...يا خالـق اجنـاس ومفنـى اجنـاس
تجعـل مقـره دارس العهـد بالـى.........صحصاح دو خالى ما بـه أو نـاس
لا خـاب ظنـى بالرفيـج الموالـى.........مالك مشاريـه علـى باقـي النـاس
وإن ناشنى من بعض الادنين صالـى...مانى عن الـزلات مخبـر وبـلاس
كالعنبـر الغالـى بالأسـواق غالـى.....ولا درهم الفضية على صفر ونحاس
اجزيـة بالصـده جنـوب وشمالـى........واتلى هوى قلبى اليا هـب نسنـاس
المستريح اللى مـن العقـل خالـى.......ما هو ولجات الهواجيـس غطـاس
ما هـو بمثلـى مشكلاتـه اجلالـى........عجزت اسجلهى بحبـر وقرطـاس
حملى ثقيل وشلـت حملـى لحالـى.......ونصبر على ضيم الليالى والاتعـاس
برسي كما ترسي عوالـى الجبالـى.....ما ينهـزع حيـد عليـه القـدم داس
متـى تربـع دارنــا والمفـالـى.............تخضر افياضه عقب ما هي بيبـاس
ونشـوف فيـه الديدحـان متوالـى........مثل الرعاف بخصر مدقوق الالعاس
ينثر على البيـداء سـواة الزوالـي......يشرق حمارة شرقة الصبغ بالكـاس

=========

http://www.youtube.com/watch?v=1a1GqvVNk-E

الله يابو عبدالله روعه اختيارك حبيبي انت

رد: ممنـــــــــــــــــــــوع الدخــــــــــــــــــــــول

لا تكثرون الهرج وكسر الأوزان
... البيت لمن هد يا صعب بنيانه

ويقول:

من بادي الوقت هذا طبع الايامي....عذبات الايام ما تمــــــــــــــدي لياليها

حلو الليالي توارى مثل الاحلامي.....مخطور عني عـــجاج الوقت يخفيها

اسري مع الهاجس اللي ما بعد نامي.....واصور الماضي لنفسي واسليها

اخاف العمر اراجع سالف اعوامي......وانوح اركــــاب فكري عند داعيها

تدفى على جال ضوه بارد عظامي.....والمـــــار يسوق بمعاليقي ويرويها

الى صفا لك زمانك عل ياظامي........اشرب قبل لا يحوس الطين صافيها

الوقت لو زان لك يا صاح مادامي.........ياســـرع ماتعرض دربك بلاويها

حتى وليفك ولو هيم بك هيامي.....سيوور الايام تجــــــــــــنح به عواديها

.......

http://www.youtube.com/watch?v=kL3ieL_rR_4

......

إهداء للجميع.

رد: ممنـــــــــــــــــــــوع الدخــــــــــــــــــــــول

البرق لعيون المولع مناديب
والبيد لاقدام الخلاوي ركايب
وارواحنا لهموم بقاء معازيب
ومعزب الارواح قبر ونصايب
سبحان من يخفي عن العالم الغيب
وخلى الوعد مع نازع الروح غايب
كلن يسوق الرجل ويروح ويجيب
احد يجيب بسلم واحد نهايب
احد يجيب الفود والعز والطيب
واحد يذله كل ماكان جايب
ومن لاستر وجهه عن الذل والعيب
معاد يلقى لذل وجهه طبايب
ومن لاحمى وجهه قبل طلعه الشيب
محد يعوضه وجه لاصار شايب
الشاعر / خالد بن مدعث الخرفاني الدوسري