|
رد: بقلم الصقر الحر مشكور يا الغلا وبارك الله فيك ويعطيك الله العافية ودمت بخير وتمنياتي لك وللجميع بالتوفيق |
رد: بقلم الصقر الحر برسل صواريخ تقتل كل ذي روح حي *على اليهودي بني صهيون في دارها ياكل معتوه وش حدك على قتل حي *وهو يصلي فروض الله في اوقاتها وطائرات العدو تغير على كل حي *القدس يناد العرب وينتظر دورها أبناءالخنازيرماتعبه بقتل كل حي *هدم المنازل هدفها فوق روس سكانها |
رد: بقلم الصقر الحر اقتباس:
|
رد: بقلم الصقر الحر يابايع الورد كيف يعطيك قلبك تبيعه * سقه وخله في البستان منظر جمالي لاتبخس الماء عنه يذبل وتيبس عروقه *ياورد لاتسلب اعيون البشروانت غالي قلبي يحن للورود اللي في اول طلوعه * ياورد ماجيت لك انت الذي من سعالي مايرخص الورد الا بايعه في حراجه * ياعاشق الورد هدي سرعتك لاتبالي مايغلي الورد إلا كل عاشق غرامه * وانا لي ايام اسقي ورد جوري صفالي |
رد: بقلم الصقر الحر أبليس فوق البحر يرسل عياله علينا * نعوذ بالله من الشيطان ومن شر عياله يفرح اذافرق الاخوان وشق صفنا * يئز بعض البشر حتى يطلق عياله أعمالهم والوظيفه كلها ضدنا * محجوب ما تبصره بالعين ولا ضل خياله واللي تغلب عليه ابليس في مجتمعنا * يطاوع ابليس بالوسواس وافعاله يكيد كيده وكيده دارمن حولنا * نراه في بعضنا يحصل بسرع انفعاله ابليس موعود بالنيران من ربنا * حرام ما يدخل الجنه لقاء افعاله |
رد: بقلم الصقر الحر نزلت وادي حنيفه قصدي اتمشى * صادفت جنية الوادي سمركندى قالت تخيرسمر وإلا اختها الصغرى *قلت احلى انت والأالجوري الصغرى قلت انت كبيره اريد الجوري الصغرى * زعلت وراحت وقلب شكلها حربى قابلت بنت كندي الجوري الصغرى * قالت مشينا نروح المحكمه الكبرى نعقد زواج الفرح في الليله السمرى * قلت هذي عملها الجرايم الكبرى ماذون الانكحه في المحكمة الصغرى * يابنت ياورد ياريحان ياكندى |
رد: بقلم الصقر الحر سلام ياربعي وياتاج فوق الراس * حمالة البندق على الخصم والغزاة ياكل سعودي معدنه من ذهب والماس * السيف الاحدب للطواغيت والعصاه حناعلى الجبه نقف رافعين الراس *نهزم جيوش الكفر والموت للطغاه الحوثي اللي خزن القات ضعيف الباس * ضربه على وجهه والاخرى على قفاه |
رد: بقلم الصقر الحر أنا فوادي يرغب الماء مع الضما * ياالله في غيثا يجينا معه كلا أرى مزون الصيف بالماء تلجلجا * البرق يضي سودالليالي في الخلا الكهرباء تطفي عن الحي مظلما * صبوالي القهوه وهاتوا لي الحلا ياالله يااللي خالق الارض والسما * يااللي رزقت الانس والطير بالفلا الطيرغرد فوق الاغصان وكلما * الخيرمقبل والهذالييل هملا ومض البروق والرعد يالله سلما *يامرحباترحيبت الارض من العلا |
رد: بقلم الصقر الحر عايض كتب قافه وكمل وجمل لابد مانبعث له اوفى رساله الحوثي الي خان داره مهبل لكل داء فالارض يوجد دواله احمد في الماضي نهدي له الفل واليوم تاجيه الصواريخ بداله ابوه يريد قصره يصرح ويعتل خاب المخطط والفكر به ضحالة ياهل العقول الزاكيه كيف يعقل لابد مايعرض على اهل العداله اليوم تحت سابع قبو بابه مقفل شعب اليمن اليوم يزيح احتلاله جيشه مشتت واغلب الجيش منحل غاره ورى غاره نبرك جماله ماعاد في ايدينه مفاتيح اوقفل ضحي بشعبه لجل ترقا عياله صنعاء لغيرك وانت ادبر وهرول طهران في صنعاء تدير الرذاله على لابد لك من يوم نشوفك مكبل كثير في حقه تخم الز باله نحول الشيكات بمبلغ مهول وتنكر جميل المملكه والحواله نجود من جوده ونعطي وتنهل نصرف لك المليار دولار دلاله واليوم حساباتك في البنك تكنسل خنت العهود السابقه ياحثاله اسمع صدى صوتك يجلجل وينحل لابد لك من يوم ننشر غساله ماعاد لك في مجلس القوم مقبل ارحل عن الديره ترى صرت عاله صاروخ كروز يصهرك صهر المقلقل ان كان غيرك عاش سابقه ضلاله نسرد لك التاريخ يا ذاالمغفل نحرص على لم الشمل يامعدل لكن ماتعرف علوم الشكاله عاش الملك سلمان عقله مبجل يدير شعب المملكه بالعداله حنا هل الحكمه بها الوقت سجل وغيرنا تايه وضيع عياله سلم على عايض وحيه وقبل واهدي سلامي وسرعة الواتس شاله |
رد: بقلم الصقر الحر بعض البنات نظرته بالعين سم حيه * اذانطقة تقل هذا الشهد حيه جعود سوداء على الامتان مطويه *والعنق عنق الغزال أو عنق ريميه جلست في ظل رمش العين فالفيه * رسمة حجاجه وكحل العين بالميه اما الشفايف كأنه كاس ورديه *مامسها الروج ولاحمره فرنسيه اذاابتسم لاح برقه في ضحى حيه * ثمان مثل المزون المربعانيه جبين شمس الظهر يضفي على الفيه * خدين ورد البنفسج فنزوليه والخشم سبيكه ذهب مطلي بماسيه * ياليتني جارهم وألاصديق خيه وابونهود كما الرمان في ليه * الصدر دره من الؤلؤ وكاديه واكفاف فيها النقوش والرسم هنديه * اصابعه زاهيه والختم برنزيه ذرعانها بسترة حليب السعوديه * الخصر ذابل ذبول الورد بلاميه الصوت صوت المسيقى صولجانيه * قامت تعطف كما سيف الشبابيه مربوعة الساق والاقدام قطنيه * ماني بقايل خساره نعلبوحيه قالت لك الله ماني لك واناحيه * الشك ياراودني ان البنت حوريه واضحيت مطروح بين جنه وناريه * وهبت في القلب بدال الكيه الف كيه حافظ عليها وعاشرها علانيه * آخر حروف اسمها الضمه بحنيه |
| الساعة الآن 05:53 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir