|
كثرة التوصيات على التامين ؟؟؟؟؟؟؟؟؟؟؟ لماذا السلام عليكم ارجو ان تسمحولي بهذه القراءة عن قطاع التامين لما اراه من توصيات للاسف ارى موشرات اي توصية استغرب على اي اساس تمت التوصية حتى لو عانقة النسبة فهناك مبرر لذلك وهو ان المضارب او الجروبات لم تخرج وتضطر لرفع السهم كاللذي يحدث الان في ايس ارجو ملاحظة التالي باختصار: 1-تتم التوصية على السهم في قمته تاتي التوصيات ممكن يشده بجنون المضارب لايدع لاحد الدخول 2-يبدا نزول تدريجي مع تدوير بحدود5% فوق وتحت الين يقضي كمياته واذا ماقضاها يرجع يشده الفارس باخر التداول ليه باخر تداول لانه ذكي يبي اغلاق شجاع على قولتهم 3-سلوكهم دايم سريع سريع وفي نزول بطئ جدا جدا 4-بالمختصر لاتنجرف ورا حلم تدبيلات واللي مو مصدق خلونا نسوي تصويت بسعر الشراء وبكم الشراء بس بشرط المجمل العام للمحفظة مو يجيني واحد مطفي النور بشهر ويقول ربحان اقصد بسنه كم دخل وبكم الحين باقي وسلامتكم ملاحظة: مستعد بالشارت وبكلام علمي اثبت ذلك |
رد: كثرة التوصيات على التامين ؟؟؟؟؟؟؟؟؟؟؟ لماذا بأختصار ياغالي القطاع اثبت انه قطاع امان يعلقونك ممكن لكن يجيك سعرك وفوقه بوسه مثل البعير مضارب يخرج من السهم يستلمه مضارب جديد وأسهم التأمين أول ماتنهي تصحيح تدخلها السيوله من كل صوب لأنها اكتسبت ثقة المتداول حتى لو كانت خسرانه ولو حبينا نقارنها بأسهم قطاعات اخرى ..صعب تلاقي قطاع مثل التأمين ولايوجد اصلاً مقارنه أسهم التأمين فيها مضاربين يرسمون لك تشارتات تجذب السيوله وقليل جداً ما يخونون مضاربيها وطبعاً كلأمي عن أسهم القطاع اللي اسعارها معقوله ...اما أسهم المجانين فليست مقياس ولو اني بدأت الاحظ إن الأسهم المجنونه في القطاع عقلت وركدت حتى يحافظون على إحترام المتداول لهذا القطاع وسلامتك |
رد: كثرة التوصيات على التامين ؟؟؟؟؟؟؟؟؟؟؟ لماذا مافيه الا مضاربين التامين والباقي يجيبون لك مليون هم قبل مايحركووون |
رد: كثرة التوصيات على التامين ؟؟؟؟؟؟؟؟؟؟؟ لماذا اقتباس:
اخوي تقصد ان اسهم التامين امان بعكس جرير والمراعي والاسمنتات و و ياخي ممكن تذكرلي اسهم التامين ذات الصولات والجولات الان كم سعرها خذ على سبيل المثال ملاذ وقس على ذلك انتبه وانا اخوك نصيحه قيم محفظتك اذا تشتغل معهم على مدى سنه وهنا مربط الفرس وتعرف وش اقصد |
رد: كثرة التوصيات على التامين ؟؟؟؟؟؟؟؟؟؟؟ لماذا احس عندك كلام ووجهة نظر خاصة عن القطاع!! هل القطاع بيكون مقبرة وتعليقة الفترة القادمة؟ |
رد: كثرة التوصيات على التامين ؟؟؟؟؟؟؟؟؟؟؟ لماذا ممكن توووووووضح اكثر سبحانك اللهم وبحمدك .. نشهد أن لا اله إلا أنت .. نستغفرك ونتوب إليك |
رد: كثرة التوصيات على التامين ؟؟؟؟؟؟؟؟؟؟؟ لماذا جزاك الله خير |
رد: كثرة التوصيات على التامين ؟؟؟؟؟؟؟؟؟؟؟ لماذا عندك البلاد دبل بهدووووء والناس مشغوة بالتأمين والله أنا أشوف ان التامين صار تعليقة ومقبرة الله يخارجنا بس |
رد: كثرة التوصيات على التامين ؟؟؟؟؟؟؟؟؟؟؟ لماذا [OVERLINE]التأمين له فتره لم يعطي .. وأعتقد حان دوره بغض النظر عن الشركات المهدده بالإيقاف تبقى وجهة نظرخاصه .. وسهم سلامه ربما تكون دليلنا للإيام القادمه مــــــــــــــــــــــ ودتي ..[/OVERLINE] |
رد: كثرة التوصيات على التامين ؟؟؟؟؟؟؟؟؟؟؟ لماذا قطاع الذهب قطاع المغامرين قطاع التذبذب العالي قطاع الثراء السريع جميع ماذكر يوصف لك القطاع ميزة القطاع انه سيولة معقولة ترفع لك سهم لاسعار خيالية مميزات القطاع 1- التعليقة فيه ما تطول واسأل اهل اليانز ولا من تعلق سابقا في ساب تكافل شهر 11 في 2011 والقائمة تطول وبالمقابل اسأل اهل زين وغيرها من الثقيل كما ذكرت سابقا سيولة بسيطه ترفعه مضارب بسيولة بسيطه او قروب يملك كم مليون ممكن يرفع لك سهم اكثر من نسبة هذا بخلاف المضاربين الكبار اللي يمتلكون سهم بشكل شبه كامل ويوصلوه لارقام خيالية يعني ربح سريع وهو المطلوب ولا لي داخلين السوق :D 2- بعض الشركات في القطاع تحولت للربحية والبعض الاخر قلص الخسائر 3 - القطاع كان يعطي بقوة عندما كان المؤشر 6400 الى 7100 بعدها خف الزخم بمعنى انه القطاع يعطي بدون اي عبرة للمؤشر فوق ولا تحت بينما هناك شركات ثقيلة في السوق لو نزل المؤشر الى الارقام اللي ذكرتها تعليقتها شينه وتذبذبها ضيق 4- التذبذب العالي يعطيك فرصة تعوض خسائرك بالمضاربة السريعة بينما الثقيل تموت ولا عطاك الا 20 هللة ولا نص ريال اغلب الخسرانين في السوق يتجه للتأمين للتعويض اضف اليه مسمى جديد (قطاع التعويض):D والنصيحة المهمة في الفترة الحالية اعلم جيدا انه مضاربين الاسهم او القروبات لن يتركوا اسهمهم بهذه الاسعار اتكلم على اللي اسعارها معقولة نوعا ما خصوصا انه الكثير منهم تملك بعض الاسهم بشكل كامل تقريبا في الفترة الماضية مع النزول حتى لو تلاحظ وارجع لمباشر تجد نزول مع سيولة قوية داخلة للاسهم !:confused: هذه نظرتي للتأمين وما يتعلق الا الطماع فعلا قطاع أمان ولا يباع بخسارة قرقر كثير :p |
| الساعة الآن 02:50 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir