مركز السوق السعودي - يا عالم لاتبيعون عقولكم لغيركم

السلام عليكم ورحمة الله وبركاته

يا اخوان ملاحظ كثرة بلبله وكلام بدون علم والله اعلم من ورا القصد ... توصيات أشكال وألوان وتحديات وعالم من التدبيلات ومعلومات مع اني ما اقتنع بالمعلومه لانه باختصار شلون مضارب السهم بيشده ويكسب وانتم معه وتملكون نقاط دخوله وخروجه يا اخوان ركزوا وفكروا بعقولكم شوي لاتصيرون تابعين لمعلومه او حلم على سراب أو شخص ثقة وشخص راعي معلومه ومن ذا الكلام ترا يجيكم مالايحمد عقباه وخذوا لفه لجميع الثقات وشوفوا توصياتهم ومعلوماتهم الأكيده وقت التوصيه والأن .. لا أقول الكلام هذا لغرض أوقصد معين لا والله ولكن لما أشوف من خسائر تلحق بالجميع وهروب جماعي لمن يطرح توصيات ، وما ننسى أن هناك أُناس رزقهم من هذه المبالغ بالاسهم والبعض رأس ماله كله بالسوق وبمجرد توصيه من فلان من الناس وهو من الثقات وإلخ يخسر 20% أو 45% بالميه ، ويوعد بسهم للتعويض السريع عن الخسائر السابقه وخسائر اخرى وبالاخير لم يتبقى من راس المال الا 20% أو أقل لاحول ولا قوة إلا بالله .

وفيه نقطة أشوف الواحد يوصي ويحدد وقف خساره ولا كسرها السهم (( المعروف لدى الجميع أن كسر نقطة وقف الخسارة يعني بيع بدون تردد )) وراح تحتها بريال وريالين وارتد السهم ارتداد طبيعي يجيكم ويقول علمتكم لاتبيعون فيه خير على حسب المعلومه حسبي الله ونعم الوكيل بس

مايحدث بالسوق والله اعلم اكبر من أي شي وهبوط صاروخي منذ أن كسر المؤشر 7617 مع ان هناك أسهم خالفت وتماسكت وظلت متماسكه للأربعاء ولكن الموجه كانت اكبر إلا بما ندر

الإيجابية بالمؤشر والسوق ككل كتلة واحده بالعودة فوق 7380 - 7465 - 7500 وهي الاهم غير كذا بتشوفون 7187 - 7030 - 6875

مع ملاحظة أن هناك أسهم لاتعترف بالمؤشر ببعض الاحوال

اخي صاحب المعلومة أخي المحلل اتمنى تفكر ألف مره قبل تطرح توصيه أو معلومه .. السوق له 4 أشهر في صعود ولو تلاحظون بعض الأسهم خسرت الكثير خلال شهر وشوي من الهبوط الله المستعان

كلامي ليس فيه لا توصية بدخول أو خروج ولكن طرحت الموضوع لما اراه من تدهور للاوضاع واختفاء للاسماء والثقات ليس هنا فقط ولكن بأكثر من منتدى وموقع .. وان لم يختفوا ولكن هناك المزيد من التوصيات الخاسره وبعضها مدمره للمال فأحذروا ... هذا سوق مال مهو كلام فاضي

الله لايخسر مسلم وفالكم التوفيق