ضعنا مابين العالمية وامانه
 

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لو يفتخر كلن بعمه وجده = في سوق الاسهم مانفيد الذهانه
يقولها اللي عايشن فيه مده = ولا لقاء الا المهزله واللعانه
هامور الاسهم نام فوق المخده = وحنا ابتلشنا مع قروب الخيانه
وليا صحى من نومه السيف حده = ولا نلمح الا فيّته مع حصانه
يطوى الوطا بحزومه المجرهده = واقرب لقب يزهاه فارس زمانه
ياقلب انا بالجمش والا بجده = ابانشدك لو كان مانت بتكانه
ضيعتني مابين جرزه ومده = سوق ٍ سوات الموج في عنفوانه
عمت البحر لو كان ماني بقده= اقول وين اللول وتقول عانه
رميتني بامواجه اللي تحده = لاشفت لا خوخه ولا برتقانه
هات الخبر ياراعي الطيب وده = ضعنا مابين العالمية وامانه
منهو يبشرنا بعلم ٍ يعده = ونقول عاش اللي يبشر اخوانه[/poem]

رد: ضعنا مابين العالمية وامانه
 

الله لا يجـزاك ياسـوق بالخـيـر

أنا اشهد انـه راح مالـي خسـارة

عوّدت اجر الصوت عقب المخاسير

واقول انـا مالـي ومـال التجـارة

اصبحت عقب المال مديـون للغيـر

وعقب الجيوب اصبحت راكب غمارة

والراس شيّب واشتغـل بالتفاكيـر

والفقر في بيت الغنـا شـب نـاره

والراتب أقسـاط وايجـار وفواتيـر

لاعندي ارض ولا بملكـي عمـارة

رحنا ضحايا فـي يديـن الهواميـر

الحـظ تـارة والهواميـر تــارة

في سوقنا الغاشـم أكلنـا خوابيـر

سوقٍ مع الهزة تناثـر غبـاره

الشعب صاروا في صفوفه طوابيـر

لكنـه أعلـن للجميـع إنهـيـاره

هـذي زراعيـة وهذيـك تعمـيـر

طاحت مثل ما طاح بـرج التجـارة

قلنا يبي له وقـت ويصيـر تغييـر

يرتـد وضعـه ويتعـدل مـسـاره

لكن تعلقنا ... ويالله عسـى خيـر

مادام راسك حـي مابـه خسـارة
مادام راسك حـي مابـه خسـارة

مادام راسك حـي مابـه خسـارة

منقووول

رد: ضعنا مابين العالمية وامانه
 

رد: ضعنا مابين العالمية وامانه
 

حنين الماضي
نورتي مشرفتنا الغاليه
اختيار روعة

لاهنتي

رد: ضعنا مابين العالمية وامانه
 

هلا خاااااااالد
لبى قلبك الله لايلومك ياحلو ديارنا ويازين نسمة هواها
بين جبله والنير وخفا والكوده وام المشاعيب وذيك الجهات اه ياقلبي

رد: ضعنا مابين العالمية وامانه
 

ابو سامر حبيب قلبي لاتنقل الموضوع تراي منزله اخره الليل :):)

رد: ضعنا مابين العالمية وامانه
 

صح لسانك

رد: ضعنا مابين العالمية وامانه
 

حسبي الله ونعم الوكيل

رد: ضعنا مابين العالمية وامانه
 

رد: ضعنا مابين العالمية وامانه
 

بارك الله فيك