[][][][] لعيون من يبحث عن الدر الفريد 00000000 [][][][] [poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يامتعب الشعار يابيت القصيد=لولا تعبهم فيك ماجالك طراه كم لي وانا ادور على معنى جديد=ماكل من دور على الطيب لقاه لو كل من يحذف حصاه يجيب صيد=ماكان نحتاج البنادق والرماه ولو ينصرف في البنك شيك بلا رصيد=كلٍ طمع في الدر الأصلي وإشتراه لعيون من يبحث عن الدر الفريد=هذي وصاه لمن يحفظون الوصاه يمكن ليا نصبت موازين العبيد=ترجح بميزاني ويكتَب لي نجاه ايامنا ماكلها فرحه وعيد=وإن عشت يومك ماضمنت اللي وراه والرجل مهما عاش في الدنيا سعيد=لابد مايحتاج ربعه واقرباه لاتقطع ارحامك ويشملك الوعيد=ولاتخسر الغالي ولاترخص غلاه واخوك لا تخسره لو إنه عنيد=يخطي مية مره وتسمح له خطاه وإن كان شد الحبل حاول ماتزيد=ارخيه قبل الشد يوصل منتهاه ولا تنصحه وقت الزعل مايستفيد=واعرض عليه النصح في ساعة رضاه وليا طلب رايك عطه رايٍ سديد=وإن ماطلبك الراي لاتبحث خفاه واعرف ترى قرب المنازل مايفيد=واحيان يبدي شي ماودك تراه لكن لاتقرب ولا تنزل بعيد=خلك على قول المثل حذفة حصاه واحفظ حبال الود حفظك للوريد=اللي معلق فيه موتك والحياه ترى الأخو مهما حصل يبقى عضيد=وترى عيال العم ماعنهم غناه الناس دايم ماتهاب اللي وحيد=اللي ليامنه وقف محدٍ معاه لو كان في الميقاف عزمه من حديد=لابد بعض احيان ينزل مستواه وخذ الحذر لو كنت في قصرٍ مشيد=الذيب لولا فطنته كلٍ رماه لاتامن الدنيا لها مكرٍ وكيد=يمكن تحدك صوب شخصٍ ماتباه إليا رمتك بوجه شيطانٍ مريد=طاغي ومتمسك بقانون الطغاه ثبت عليه شهود والخالق شهيد=لا تندفع للشر وتسوي كماه وإتبع دروب الحق عنها لاتحيد=ويبين راعي العرف من راعي العياه ولاتبدي اسرارك لزيد ولا عبيد=من يحسدون الرجل في زاده وماه لاجوك قول الله يدبر مايريد=ولاتعرض الدعوة على غير القضاه إلا على شيخٍ وله عقلٍ رشيد=وإلا على مطنوخ له منصب وجاه[/poem] |
رد: [][][][] لعيون من يبحث عن الدر الفريد 00000000 [][][][] ارحب ابن رووووق صح لسانك |
رد: [][][][] لعيون من يبحث عن الدر الفريد 00000000 [][][][] الله عليك يابو حمد وصح لسانك |
رد: [][][][] لعيون من يبحث عن الدر الفريد 00000000 [][][][] صح لسانك وعلى الاخرى عانك |
رد: [][][][] لعيون من يبحث عن الدر الفريد 00000000 [][][][] رائع ياابو حمد رائع صح لسانك |
رد: [][][][] لعيون من يبحث عن الدر الفريد 00000000 [][][][] صح لسانك يابوحمد |
رد: [][][][] لعيون من يبحث عن الدر الفريد 00000000 [][][][] قصيده رائعه فيها الكثيرمن الحكم والتجارب يعطيك الف عافيه يابوحمد |
رد: [][][][] لعيون من يبحث عن الدر الفريد 00000000 [][][][] صح لسانك يابوحمد |
رد: [][][][] لعيون من يبحث عن الدر الفريد 00000000 [][][][] صح لسانك ابدعت |
رد: [][][][] لعيون من يبحث عن الدر الفريد 00000000 [][][][] الله الله يابوحمــد .. درر وحكم .. جمال حرف .. ورصانة حبك لا يجيدها الا الكبار أحببتك شـــاعراً ولا زلت بعيداً عن كل الألقاب . |
الساعة الآن 05:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir