ابيات جزله اهداء لابن العرين ولاعضاء مركز السوق السعودى |
رد: ابيات جزله اهداء لابن العرين ولاعضاء مركز السوق السعودى لا تفرح إن الوقـت أسعدك واعطاك = لابــد مـا ســود اللـــــــيالي تبكيـــك دنــــــيا تقـلـــب علــها مـــاتــولاك = تمسي عزيز وتصبح من الصعـاليك إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك اغنم من صروف الدهر كانه امداك = قبل اللحد عن ظاهر الارض يخفيك وترى التشكي للمخاليق يشــــــنـاك = يحط من قدرك ويفـرح امــعــاديـك وكـثر التـشره يجعـل الناس تجـفاك = ولا عــاد تلـقى بيـنهـم من يخـاويك ولا تمادى في زعل من ترضــــاك = مادام جاء عاني على شان يرضيك ولا تخــاوي من على ابوه بـــــداك = هذاك وان طال الزمان يغدر فـيـــك والـجـاهل احـذر لاتجـادلـه يـبلاك = في كـلـمة بين الـمخاليـق تعـمـيــك والهرجة العوجى لو أنه تنصــــاك = حـاول تجـاهـلهـا وخــله تـعـديـــك ولاتخـيـب هـقـوت اللي تـهـقـــواك = مادام جاء بين المخاليق ناصيـــــك واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك ولاتفرح بزودٍ على الحق وان جاك = زودك ترى نقصٍ على حق ذوليـك وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك وان جت لك الدنيا على غير مشهاك = اصبر ترى بالصبر تدرك امانـيـك ولا تامن الدنيـا تـرى الوقـت فتــاك = لجا القـدر كثـر الحـذر ما ينجيـــك |
رد: ابيات جزله اهداء لابن العرين ولاعضاء مركز السوق السعودى وان جت لك الدنيا على غير مشهاك = اصبر ترى بالصبر تدرك امانـيـك ولا تامن الدنيـا تـرى الوقـت فتــاك = لجا القـدر كثـر الحـذر ما ينجيـــك روووووووووووووووعه |
رد: ابيات جزله اهداء لابن العرين ولاعضاء مركز السوق السعودى يستاهل البطل ابن العرين الله يجزاه الجنه ويعطيك العافيه تحياتي . |
رد: ابيات جزله اهداء لابن العرين ولاعضاء مركز السوق السعودى استاذ أحمد حسن أعجيني توقيعك ...يعكس شخصيتك |
رد: ابيات جزله اهداء لابن العرين ولاعضاء مركز السوق السعودى يستاهل ابو مهند معلقه لطيبته وحبه للخير تسلم اخوي |
رد: ابيات جزله اهداء لابن العرين ولاعضاء مركز السوق السعودى بستاهل ابومهند وبيض الله وجهك ياصاحب الموضوع |
رد: ابيات جزله اهداء لابن العرين ولاعضاء مركز السوق السعودى شكرا اخي وحبيبي على هذه الابيات التي تحمل في طياتها الكثير من النصح والتوجيه وهذهي القصيده مدرسه في التربيه والتوجيه والحكم اسال الله ان يوفقنا وياك الى مافيه خير وقائلها الله يجزاه خير ويعفوعنا وعنه تحيااااااااااااااتي |
رد: ابيات جزله اهداء لابن العرين ولاعضاء مركز السوق السعودى الله يعطيكم العافيه والابيات اعجبتني نقلتها من ديوان احمد عبد الرحمن العريفي نديم المجره |
رد: ابيات جزله اهداء لابن العرين ولاعضاء مركز السوق السعودى يستاااااااهل ابو مهند يستااااهل |
الساعة الآن 06:00 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir