04-09-2016
, 09:53 PM
|
| مراقب سابق | تاريخ التسجيل: Aug 2016 الدولة: في قلب شجرة التوت
المشاركات: 3,097
| | |
 رد: [[[[ لعيون الحبايــــب ]]]]
بسم الله الرحمن الرحيم
مقدمه للتحليل الفني
التحليل الفني هو دراسة الحركه السعريه السابقه لمعرفة الحركه المستقبليه للسوق
يعني بالمختصر ( أعرف وش صار امس علشان اتنبأ وش بيصير بكره وأمس اعني فيها الماضي مهما كان يوم
اسبوع شهر سنه .... الخ )
وخذها قاعده قبل أن تبدأ في التحليل الفني ( حلل اول على الفواصل الكبيره ثم انزل للفواصل الصغيره الى الساعه )
لأن اكثر نكبات بعض المحللين المبتدئين انه ينظر تحت اقدامه فقط يحلل على الساعه وهو لايدري بأنه
على الاسبوعي كاسر دعم مهم او يحلل يومي وهو لايدري بأنه على الشهري كاسر دعم مهم جداً وهكذا
فيرى السهم عليه نماذج ايجابيه ويتفاجأ بأن النموذج يخرب والسهم يهوي ويضطر لتفعيل وقف الخساره واتهام
التحليل الفني بالفشل
لا لا خذها قاعده ( كبـّـر الخارطه على اكبر فاصل ثم الفاصل الذي اقل منه ثم الذي اقل منه الى ان تصل على فاصل
المضاربه اليوميه او اللحظيه )
طيب
من وين اعرف حركة الماضي علشان ابني عليها توقع المستقبل ؟
تعرف عن طريق برنامج
طيب وش اسم البرنامج
البرامج كثيره ( مباشر برو / مستشاري / ميتاستوك / تكرتشارت .... الخ )
بالنسبه لي استخدم تكرتشارت لايف
طيب ياضامي
انا مالي ومال هذا الكلام
انا وااااااقف الآن على عتبة الباب ما أعرف ألف من باء
وابغى اتعلم التحليل الفني وش المطلوب مني ؟
المطلوب منك ياعزيزي انك تاخذ امورك بالهداوه حبه حبه
لاتاخذ الامور باندفاع وتبغى تتعلم كل شي بيوم واحد وتلخبط الاوراق تضيع
خذ التحليل الفني على شكل خطوات ( خطوه خطوه )
لاتقدم خطوه على الأخرى
كل ماتعلمت خطوه اطلع للخطوه اللي بعدها وهكذا
وأنا اضمن لك النجاح بإذن الله
طيب اعطينا الخطوات ياضامي واستعنا بالله
اتفضل ياسيدي
الخطوة الأولى :
تدخل على قوقل وتكتب تكرتشارت وتسجل في الموقع وبعدها تحمل برنامج تكرتشارت لايف
الخطوه الثانيه :
تتعلم القمم / القيعان / الدعوم / المقاومات / المسارات ... الخ
الخطوه الثالثه
تتعلم المؤشرات المهمه مع بعض المتوسطات
الخطوه الرابعـــه
تتعلم الفيبو ناتشــــــي
الخطوه الخامسه
تتعلــم قراءة الشموع ( ليس من الضروري ان تعرف كل الشموع ولكن يجب ان تعرف أهمها )
الخطوه السادسه :
تتعلم النماذج العاكسه للاتجاه والنماذج الاستمراريه
( ليس من الضروري ان تعرفها كلها ولكن يجب ان تعرف أهمها )
الخطوه السابعه للمتقدمين
تتعلم موجة الذئب
النماذج التوافقيه
وموجات اليوت
وبكذا تكون محلل ولا اروع
ولكن هااااااات اذنك اهمس فيها
علم نظري بدون تطبيق ماينفع لازم كل شي تقراه تروح للشارت تبحث عنه بنفسك وتطبق بكذا تنجح
طيب
خلاص كذا ياضامي بس اعطيتنا الخطوات وانتهى الموضوع
لا لا يالغالي
انا معك خطوه خطوه
راح انزل دروس سواءً بشرحي أو بشرح ناس متمكنين
وكل درس راح اكتب رقم الخطوه
الخطوة الأولى مثلاً
اذا انتهينا
ادخل معك بالخطوه الثانيه
وهكذا
حتى ننتهي سوياً من الخطوات وبعدها
نعطيك مجموعة استراتيجيات ناجحه
وبعدها تدخل السوق وتحلل وتبيع وتشتري بنفسك
ويمكن بعد اشوف توصياتك في المنتدى تلعلع باذن الله
أهم شي في الموضوع
الحماس
والجديه
وتستقطع لنفسك وقت يومياً ساعه الى ساعتين تقرا اللي كتبناه وتطبقه على الشارت ..
فااااائق تحياتي
تخطي الصعاب ليس سهلاً
ولكنه ليس مستحيلاً
قد تسقط ذات مره
ولكن لاتستسلم
فالاستسلام عنوان الفشل العريض
https://www.youtube.com/watch?v=gigxnN-fxP4
بالخبره
تستطيع التخلص من المآزق
باحترافيه عاليه وإبداع يصفق له الجميع
https://www.youtube.com/watch?v=QWZqdrDxcg4
https://www.youtube.com/watch?v=So4rB6Az0QY  |