 بعيد عن الاسهم نستفيد ونفيد
السلام عليكم ورحمة الله وبركاته
ومساكم الله بالخير جميع من فتره قلت خلني اطقطق يشغله غير الاسهم مع طبعا سهمي المفضل اللي بالمحفظه ومقفل عليه فصرت اشتري سيارات جديده وممشى قليل واعمالها بوفيه متنقله (فود ترك ) واعدلها عند بعض الورش اللي اشوف انها تستطيع عمل مااريد بالطريقه المناسبه وشكل جميل ولله الحمد مشت معاي الشغله وباربي لك الحمد الى الان تم عمل 9 سيارات وتم بيعها ولله الحمد طبعا شي بالرياض وشيئا خارج الرياض وسبحان الله الشغل الحر يشهد الله ان طيب وفيه رزق من الله طبعا ممكن الشخص يتساهل ويقول ماتوكل عيش بعض السيارات والله بعتها على 90 الف مجهزة للنصف فقط ولكن مردودها جيد خصوصا للشباب اللي ما شاء الله يترزقون الله وعنده وقت للعمل ومن يتواجد بالرياض يستطيع يشاهدهم عند تركي الاول وغيره
الشغل الحر طيب والأسهم ماهي طايره اصبر لين يرجع لك رأس مالك وزود ان شاء الله
شريت من اسبوع 4سيارات ولله الحمد اربع متر ولكن وحده منهن مترين وثلاثين حجمها كويس ولكن ماتضبط فود ترك الا بقص السقف وتخاسرة اني أقصها حرام
لكن كنت مجبور ادفع قيمتها من ضمن السيارات لانها من ضمن البيعه
فمن عنده محل نقل بضائع او تمور او غيرها فالسيارة للبيع
موديل 2013. ماشيه فقط 3700 تعتبر شبه وكاله نوعها ستروين فرنسيه شركة رينو اللون ابيض يوجد بها عازل داخلي وإنارة كهرباء بالكامل ومكان لمولد كهرباء
اللي بيقصها او يعملها كوفي شوب متنقل تضبط معاه
الصورة ماعرفت أحملها لكن ابحث بقوقل ستروين فان
وربنا يكتب الخير للجميع |