02-09-2016
, 02:56 AM
|
| مراقب سابق | تاريخ التسجيل: Aug 2016 الدولة: في قلب شجرة التوت
المشاركات: 3,097
| | |
 رد: [[[[ لعيون الحبايــــب ]]]]
كيف احدد متوسطاتي السعريه بدون شارت وبدون علم في التحليل الفني ؟ .
مشهد تمثيلي
ابو عجاج يتصل على ضامي
ضامي يرد
ابو عجاج : وش رايك نطلع للبر
ضامي : كم يوم ؟
ابو عجاج : اسبوعين
ضامي : انا معك وان قلت قدام قدام .... بامشي معك في كل درب ٍ مشيته
في الصباح يأتي ابو عجاج بالشاص محمــّـل خيمه وحطب واغراض البر
يركب ضامي
في الطريق
يتصل ضامي بزوجته
زوجته ترد
ضاااامي : السلام عليكم
الزوجه : وعليكم السلام
ضامي : صباح الفلّ
الزوجه : صباح الورد ياحياتي
ضامي : عندك خبر ياعمري اني طلعت مع ابو عجاج
الزوجه : اكيد
ضامي : ترى تركت لك اليوزر والباسوورد حق المحفظه على الكيبورد
ابغاك تفتحين المحفظه خلال غيابي كل يوم وقت التداول وتشيكين على الاسهم
أي سهم ربحان 5% على طول بيعيه
الزوجه : تامر امر
ضامي : باي
الزوجه : باي
يغلق الخط ..
يذهب ضامي وابو عجاج الى الشمال ليستمتعوا بالأجواء هنااااااك
ويمضي اليوم الأول تمااااام
واليوم الثاني تمااااام
وفي اليوم الثالث تتصل الزوجه :ضااااامي ضاااااامي الحق السوق نزل 500 نقطه
ضامي : والأسهم ؟!!
الزوجه : كلها حققت 5% قبل النزول وبعناها الا سهم الكناري سجل نسبه تحت مامداني ابيعه
ضامي : كم سعر الشراء ؟
الزوجه 100 ريال
ضامي : طيب اشتري نفس الكميه على النسبه (90)
الزوجه حااااضر
تغلق الخط
اليوم الرابع تتصل
آلوه
ضامي : مرحبا
الزوجه : السهم سجل نسبه ثانيه تحت ياضااااامي
ضامي : ماعليه الاتجاه العام للسوق صاعد اكيد فيه خبر وباذن الله السوق يمتص الخبر ويرجع
اشتري على النسبه 81 ريال
الزوجه : حاضر ..
تغلق الخط
في اليوم الخامس تتصل
آلوه
ضامي مرحبا
الزوجه : السهم سجل نسبه تحت
ضامي : شيلي على النسبه 72.90
الزوجه : بكل حنق وضيق حااااااضر
تمتم بينها وبين نفسها .. ضامي هذا سفيه ضيــّـع فلوسنا بس ش اسوي اخاف اقول لا يخبط راسي بالمشعاب الذي ورثه عن أبيه عن جده رحمه الله ..
في اليوم السادس تتصل
آلوه ضااااامي تدري وش الحااااااصل في السوق
ضامي : لا وش الحاصل
الزوجه : طلع الهبوط بسبب انسداد ماصوره من مواصير النفط داخل فيها قطوه
واليوم ابشرك اعلنوا انهم اخرجوا القطوه وطار السوق نسب فوووووووق
ضامي بكل هدوووووء : الحمدلله كنت عارف انه نزول خبر لأن المسار العام للسوق صاعد
الزوجه : طيب انا وش اسوي الحين
ضاااامي : راقبيه إذا وصل 86 كلميني
الزوجه تراااااقب السهم حتى وصل 86
تتصل
يرد ضامي : هااااا كم وصل
الزوجه 86 وعليه طلبات بالهبل
ضامي خليه
تتصل الزوجه : السهم وصل 90 وعليه طلبات بالهبل
خليه
الزوجه تتصل : السهم وصل 96 وبدا يرش
ضاااامي : رشي معه
الزوجه : كم ابيع ؟
ضامي : رشي الكميه كامله
رشت الكميه وطلع السهم مبيوع بـــ94.60
اتصلت الزوجه : ضاااامي .. تصدق بالرغم من اني بعت بـ94.60 الا ان المحفظه طلعت ربحانه 10%
ياخي اتذكر انا شارين السهم بــ100 وبايعينه بــ94.60 يعني خسرانين اكثر من 5 ريال وشلون طلعت المحفظه ربحانه ؟!!
ضااااامي : لاتنسين التعديلات اللي عدلناها ياغشيمه نزلت متوسط السعر من 100 الى 86 يعني الان ربحانين اكثر من 8 ريال ..
الزوجه : كيف عرفت ان المتوسط 86
ضامي : بسيطه : اجمعي قيمة الشراء على بعض واقسميها على عدد مرات الشراء
يعني 100 + 90+81+72.90 =343.90
343.90 / 4 = 85.97 نجبرها نخليها 86
الزوجه : اقسم بالله انك فلته ياضامي
بالرغم من كل هالنزول والخساير الفادحه للناس وبعضهم نقلوه للمستشفى مرتفع سكره وضغطه
وانت طلعت ربحان ؟ والله انك دااااهيه
طيب اذا عدلت مره وحده بس
بسيطه اجمعي السعرين واقسمي على 2
طيب لو عدلت مرتين
اجمعي الاسعار الثلاثه ( التعديلين على سعر الشراء الأصلي ) واقسمي على 3
وهكذا دواليك وهلمّ جر وإلى آخره ..
ابو عجااااااج : ياضاااااااااااااااااااااااااا مي
ضامي : سمّ
ابو عجاج : الغداااااااا جاااااهز
ضامي : جااااك جاااااك
مع السلامه ياعمري
الزوجه : باي
ضامي يذهب ليتغدى مع ابو عجاج ويستكمل رحلته
والزوجه تشغل شيله وتحتفل بالربح مع نفسها
https://www.youtube.com/watch?v=ifUKtG6_nqE  |