[القحطاني]

اختيار موفق ابو فواز بيض الله وجهك
الفيه كلها حكم
هذه الالفية قصيدة من قصائد الشاعر الكبير مسلم البحيري العازمي وهي مليئة بالحكم والأمثال وغزيرة بمعانيها:

غاب القمر والصبح بانت شروقه=والعين حلو النوم عيت تذوقه
وبديت قاف(ن) وافيات(ن) طروقه=ألفية(ن) والمبتدى عالي الشان
الألف:ألفت المثايل وبديت=ذكر الله اللي محصي الحي والميت
المعتلي علام ماكان كنيت=في ظامري وأدعاني اليوم عمسان
الباء:بثني للنبي والصحابه=حق علينا ذكرهم ينثنابه
ولامقصدي من مابدعته طرابه=يعلم بي اللي عالم(ن) كل ماكان
التاء:ترى مايبدع القاف مرتاح=ولايضحك المفجوع حلو التمزاح
ولو يبدعه كنه طعام(ن) بلا أملاح=ماله طعم يثر على الحال نقصان
الثاء:ثمان سنين والقلب مفجوع=لاطايع(ن) غيري ولانيب مطيوع
أسهر إلى إن الفجر بان بطلوع=متكدر جفني عن النوم سهران
الجيم:جار الوقت والوقت مذموم=ولا صفالي بالهنا منه لو يوم
جار الزمان وبدل القوم في القوم=ولا يذكر الأ اللي من المال مليان
الجا:حرار القوم ضاعت مع الناس=الوقت عاداهم وداس الذي داس
وطاوع كثير المال لو هو من الأنجاس=وعصى بعض ياناس ذربين الأيمان
الخاء:خوي الطيب ماظن يلقاه=اللي ليا حدك عنا الوقت تنصاه
أقفا زمان الطيب وين أنت وياه=فقير ماعندك رصيد(ن) وعمران
الدال:دوابي من عنا الوقت دالوب=كن الغضى في ماسط القلب مشبوب
عفت الطعام وعفت أنا كل مشروب=من ذا الزمان اللي جزاني بنكران
الذاء:ذهب هالوقت ماهوب صافي=ناس(ن) يغرونك بزين اللصافي
واليا بحثته بان ماكان خافي=حديد ماله مع هل الجود ميزان
الراء:رفيع النفس بالدين محمود=لو هو فقير يدرك الجود ويجود
ولو تطلبه شئ ولاهوب موجود=في منزله يوقف مواقيف ديقان
الزاء:زرعت الطيب والله شاهد=وبالعون ماقصرت في حق واحد
أنا أحسب إن الزرع يثمر لحاصد=وأثريه صبخا من زرع فيه خسران
السين:سل عن صاحبك قبل الأسفار=قبل تغرب عن مرابعك لديار
كانه عنيد ودايم الدوم عسار=خله ترى مايبصر النور عميان
الشين:شاب الرأس والسن توه=من ذا الزمان اللي فلابه مروه
يالله راعي الطيب يالله قوه=على زمان(ن) شيب اليوم شبان
الصاد:صابر والصبر درب الأفراج=وأرجي الذي منه المخاليق ترتاج
أنه يفرج لي مع الضيق مخراج=وأجازي الطيب على الطيب بأحسان
الضاد:ضحك الوقت لاتنخدع به=لو هو حلا نومك وزادك وشربه
الله من تاجر زمانك غدر به=خلاه عقب المال مايملك غران
الطاء:طبيب النفس غاية مناها=ولاتسمع اللي عن طريقه نهاها
كم نفس ماتت موصلت مبتغاها=أنشد وتلقى اللي نظمناه وكدان
الظا:ظهر خافي ضميري وسجلت=قافي وأنا مبطي عن القاف ماقلت
ولانيب خايف بالتماثيل ماعلت=والحق يظهر له شهود وبرهان
العين:عن هرج القفا دوم حذراك=تراك ماتكسب ورا شيله أملاك
كم من هروج(ن) قطه الهرج بشراك=وأسبابها من قولة فلان لفلان
الغا:غني النفس ياطيب فاله=يقال له نعمين ياجا مجاله
والأردي النفس راعي نذاله=لانافع(ن) نفسه ولاهوب ربحان
الفا:فعول الطيب ترفع جلالك=ياصرت طيب كل شخص يعنالك
ولو مت في وسط المجالس عيالك=لو هم صغار(ن) مايشوفون حقران
القاف:قلت حيلتي وأجتهادي=في ذا الزمان اللي به الطيب غادي
عندك خبر ماكل علم(ن) وكادي=بالناس صدقان(ن) وبالناس كذبان
الكاف:كم من طاح بالحبس مظلوم=وهو سليم الجوف لاشك متهوم
ماقدر المولى على الناس مقسوم=ولا لك على ماقدر الله عصيان
اللام:لاتبدي على الناس خافيك=ماكل من يضحك بوجهك يدانيك
كم من صديق(ن) تحسب أنه مصافيك=وهو خسيس(ن) بالمواجيب خوان
الميم:مالك عن نصيبك مفرا=إن كنت في جو وبحر(ن) وبرا
ماقدر المولى عليك أستقرا=اللي خلق من طينة القاع إنسان
النون:نوح الطير لاتحسب أنه=غنا طرب يالقرم من زود فنه
يمكن معاسير الليالي وطنه=ماكل طير(ن) يزعج الصوت طربان
الها:هني اللي تمسك بدينه=قبل العمر بالغي تقضي سنينه
نفسه لصومه ولصلاته فطينه=هذاك له في جنة الخلد مسكان
الواو:ودي مير ماهو بكيفي=إن العرب تمشي بقلب(ن) نظيفي
غنيهم يلطف بحال الضعيفي=حتى تساوى الناس في كل الأوطان
اليا:يعل الله يقبل دعاتي=حيثه عليم بسيتي وحسناتي
والخاتمه صلوا كثير الصلاتي=على نبي(ن) خاتم(ن) كل الأديان

[القحطاني]

اختيار موفق ابو فواز بيض الله وجهك
الفيه كلها حكم
هذه الالفية قصيدة من قصائد الشاعر الكبير مسلم البحيري العازمي وهي مليئة بالحكم والأمثال وغزيرة بمعانيها:

غاب القمر والصبح بانت شروقه=والعين حلو النوم عيت تذوقه
وبديت قاف(ن) وافيات(ن) طروقه=ألفية(ن) والمبتدى عالي الشان
الألف:ألفت المثايل وبديت=ذكر الله اللي محصي الحي والميت
المعتلي علام ماكان كنيت=في ظامري وأدعاني اليوم عمسان
الباء:بثني للنبي والصحابه=حق علينا ذكرهم ينثنابه
ولامقصدي من مابدعته طرابه=يعلم بي اللي عالم(ن) كل ماكان
التاء:ترى مايبدع القاف مرتاح=ولايضحك المفجوع حلو التمزاح
ولو يبدعه كنه طعام(ن) بلا أملاح=ماله طعم يثر على الحال نقصان
الثاء:ثمان سنين والقلب مفجوع=لاطايع(ن) غيري ولانيب مطيوع
أسهر إلى إن الفجر بان بطلوع=متكدر جفني عن النوم سهران
الجيم:جار الوقت والوقت مذموم=ولا صفالي بالهنا منه لو يوم
جار الزمان وبدل القوم في القوم=ولا يذكر الأ اللي من المال مليان
الجا:حرار القوم ضاعت مع الناس=الوقت عاداهم وداس الذي داس
وطاوع كثير المال لو هو من الأنجاس=وعصى بعض ياناس ذربين الأيمان
الخاء:خوي الطيب ماظن يلقاه=اللي ليا حدك عنا الوقت تنصاه
أقفا زمان الطيب وين أنت وياه=فقير ماعندك رصيد(ن) وعمران
الدال:دوابي من عنا الوقت دالوب=كن الغضى في ماسط القلب مشبوب
عفت الطعام وعفت أنا كل مشروب=من ذا الزمان اللي جزاني بنكران
الذاء:ذهب هالوقت ماهوب صافي=ناس(ن) يغرونك بزين اللصافي
واليا بحثته بان ماكان خافي=حديد ماله مع هل الجود ميزان
الراء:رفيع النفس بالدين محمود=لو هو فقير يدرك الجود ويجود
ولو تطلبه شئ ولاهوب موجود=في منزله يوقف مواقيف ديقان
الزاء:زرعت الطيب والله شاهد=وبالعون ماقصرت في حق واحد
أنا أحسب إن الزرع يثمر لحاصد=وأثريه صبخا من زرع فيه خسران
السين:سل عن صاحبك قبل الأسفار=قبل تغرب عن مرابعك لديار
كانه عنيد ودايم الدوم عسار=خله ترى مايبصر النور عميان
الشين:شاب الرأس والسن توه=من ذا الزمان اللي فلابه مروه
يالله راعي الطيب يالله قوه=على زمان(ن) شيب اليوم شبان
الصاد:صابر والصبر درب الأفراج=وأرجي الذي منه المخاليق ترتاج
أنه يفرج لي مع الضيق مخراج=وأجازي الطيب على الطيب بأحسان
الضاد:ضحك الوقت لاتنخدع به=لو هو حلا نومك وزادك وشربه
الله من تاجر زمانك غدر به=خلاه عقب المال مايملك غران
الطاء:طبيب النفس غاية مناها=ولاتسمع اللي عن طريقه نهاها
كم نفس ماتت موصلت مبتغاها=أنشد وتلقى اللي نظمناه وكدان
الظا:ظهر خافي ضميري وسجلت=قافي وأنا مبطي عن القاف ماقلت
ولانيب خايف بالتماثيل ماعلت=والحق يظهر له شهود وبرهان
العين:عن هرج القفا دوم حذراك=تراك ماتكسب ورا شيله أملاك
كم من هروج(ن) قطه الهرج بشراك=وأسبابها من قولة فلان لفلان
الغا:غني النفس ياطيب فاله=يقال له نعمين ياجا مجاله
والأردي النفس راعي نذاله=لانافع(ن) نفسه ولاهوب ربحان
الفا:فعول الطيب ترفع جلالك=ياصرت طيب كل شخص يعنالك
ولو مت في وسط المجالس عيالك=لو هم صغار(ن) مايشوفون حقران
القاف:قلت حيلتي وأجتهادي=في ذا الزمان اللي به الطيب غادي
عندك خبر ماكل علم(ن) وكادي=بالناس صدقان(ن) وبالناس كذبان
الكاف:كم من طاح بالحبس مظلوم=وهو سليم الجوف لاشك متهوم
ماقدر المولى على الناس مقسوم=ولا لك على ماقدر الله عصيان
اللام:لاتبدي على الناس خافيك=ماكل من يضحك بوجهك يدانيك
كم من صديق(ن) تحسب أنه مصافيك=وهو خسيس(ن) بالمواجيب خوان
الميم:مالك عن نصيبك مفرا=إن كنت في جو وبحر(ن) وبرا
ماقدر المولى عليك أستقرا=اللي خلق من طينة القاع إنسان
النون:نوح الطير لاتحسب أنه=غنا طرب يالقرم من زود فنه
يمكن معاسير الليالي وطنه=ماكل طير(ن) يزعج الصوت طربان
الها:هني اللي تمسك بدينه=قبل العمر بالغي تقضي سنينه
نفسه لصومه ولصلاته فطينه=هذاك له في جنة الخلد مسكان
الواو:ودي مير ماهو بكيفي=إن العرب تمشي بقلب(ن) نظيفي
غنيهم يلطف بحال الضعيفي=حتى تساوى الناس في كل الأوطان
اليا:يعل الله يقبل دعاتي=حيثه عليم بسيتي وحسناتي
والخاتمه صلوا كثير الصلاتي=على نبي(ن) خاتم(ن) كل الأديان