سعود لامن الليالي غدن سود ( قصيدة موجه للشيخ سعود ) , ,
,
سعود لامن الليالي غدن سود = ودارت ظروف الوقت لين اجبرتنا
هذا ترى رجلن مع الكل موجود = من نسل وايل عزنا وثمرتنا
قبيلة ٍ بامجادها ترتقي زود = ويلان والويلان هم مفخرتنا
تاريخها ماضي وحاضر ومعدود = قبيلة ٍ بافعالها حيرتنا
ياسعود مثلك يفعل الطيب ويزود = ويمك مقادير الزمن سيرتنا
افزع لمن ينخاك ياراعي الجود = خسارة الاسهم تراها اقبرتنا
اما تعزيني على قلة الفود = انا دفنت الحظ في مقبرتنا
يغيب فكري كل ماهبت النود = كم ليلة ٍ طار الكرى واسهرتنا
سيفي على رقبة المكاسيب مجرود = كم شركة ٍ نبغى العوض وادمرتنا
والعذر عنها كل ملحوق مطرود = نطرد وراها لين ثار اغبرتنا
وختامها بازكى التحيات ياسعود = وصلوا على اللي سيرته عطرتنا |