الليلة اجازة ..... وش رايكم نتطرق للمحاولات الشعرية .
السلام عليكم
.
ياصاحب(ن) احسبك طير(ن) اهده
............ لا زاد حملي . من زمان الغرايب
ارسلت لك يوم الحمل زاد حده
........... ضنيت فيك الحير واصبحت . خايب
وانا رفيق الجنب وقفت ضده
........... نهار .تصفق بك.. صروف. الهبايب
وبعد خطي جاك ما ارسلت رده
........... أو عذر يوقف دون شمت القرايب
قنعت مالي فيك لو جيت لدة
........... ان جيت والا رحت محسوب غايب
حبل(ن) طويته جيت تبغى تمده
........... انا . قطعته. واصبح . الحبل ذايب
من صدني حرام لا غير اصده
........... لو كان قالوا ما انت فالعلم صايب
من لاح له براق ما شاف سده
........... ماهو مثل من ذاق ويل. السحايب
العلم صدق وصادق العلم عده
........... ولا يعقل القالات .لا غير . شايب
من لا وقف مع صاحبه وقت شدة
........... وقت الرخى كل العرب له صحايب
واللي على فرش(ن) وثير ومخدة
........... ماهو مثل من غاربه في اللهايب
هذا كلام اللي له اليوم مده
........... يخفي. طعونه .فوق . حد الترايب
ولا طاب لين اليوم اطلقت يده
........... وطويت صاحب خاطري منه طايب
.
سبع الليل
. |