[poem=font="Simplified Arabic,5,white,normal,normal" bkcolor="transparent" bkimage="backgrounds/3.gif" border="none,4,gray" type=2 line=1 align=center use=ex num="0,black""]
شقي ضلوع الليـل وانكتّي بيـاض = أنا ادري انـك قلب ليـلٍ أجـودي
ليلٍ سـرى مقبل لعمر الافـتراض = ما هو طويل ألا ...قصير الموعدي
لكنّ بـي صبرٍ تروّى لين فـاض = فيّض من عيوني بعد فاض اجسدي
أنا وعيني و الشعور المستهـاض = والعشب الاخضر و الزهور الورّدي
الكل محتاجك و لا فيه اعـتراض = حتى الندى محتاج يلمـع يا بْعـدي
كتّي بياضك و الْعني ثقل المخاض = وصلك ولد ....و انا انتظار المـولدِ
يا هيه يا ريمٍ عدَت وسط الفياض = ما عنـدي ألا كلمـةٍ تعدي عـدي
أنا ترى صبري شبيه لْبرق ناض = ما عندي استعداد اناظر في غـدي
أمّا تعالي و اتركي عنك الرياض = والاّ من اغلالك ....أنا بكسر يـدي [/poem]
وسلامتكم
طبعا النص من كلماتي أرجو أن يرقى إلى ذائقتكم
فهد الشهيب