لامن شريت السهم
قام يدور عند راسي بسعر مشتراي
يابن الحلال اذلف انقلع عني في ارض الله الواسعه
لكن مافيه فائده
انا وحظي سالفة راعي الطير = يا طير بن برمان فرقا وفرقا
هده يبيه يصيد ويجيب له خير = وعود عليه بحية الغار زرقا
بن برمان يوم هد طيره يبغاه يصيد
راح الطير وصاد ثعبان ورجع على راعيه
ورمى الداب عليه وبغى الداب يذبح بن برمان
وهالطير مثل محفظتي القشرا واسهمها
ماجابت لي خير
إذا شريت الشركة بسعر
قامت تدور وتحوم فوق راسي بنفس سعرها
نكشها نحذفها نهاوشها
ماينفع
جايتك جايتك
يالعنبوك انقلعي عني وروحي فوق
اذلفي في السعه
لكن ماتسمع الكلام
تقعد تبترم على رأسي مثل نجوم القايله
لين تجيب العيد فيني
واذا فكيت السهم تقول شايف له صيدة في
قلعة وادرين
معاد اشوف إلا غبرته
مافيه مطوع يكويني ويكوي المحفظه كودها تعدل
او واحد ثقه عنده توصيه موثوقه على سهم نشتريه
ومن بكره يفتح نسبه تحت
ثم ينسب فوق
عشان مايخسرني
لكن نبغى نروع المحفظه مع الافتتاح
عشان نأدبها بهالسهم
واخليه يغولها غول 5 دقائق ثم ينسب فوق
لين تتوب من حركاتها القرعا