رد: ++(عسى الله يسقي أيام البساطه)++ هلا ابو عبدالله الله حيه وبيه
عادت الايام ماترحم القلـب الحزين
كم من عيال الرياجيـل بقعـاء كدته
لكـن اصبر يالسنافي وتاليهـا بتزين
العسر بعده يسر لـو تطول مدته
اترك اللــي غره الوقت من عاده جنين
ماعرف عمه وخاله وربوٌة جدتــه
ضايعن اصلـه وفصله وذكر مايبين
لو بغــى درب المطاليق نفسـه ردتــه
يامحمد اصبـح الوصل من حينن لحيــن
مير ياعــزي لمــن هـو ظروفـه حدتـه
نطرد الدنياء وهي ماصفـت للاولين
من نزلها راح منها وخلى عدتــه
وكل اللــي ماخذاله على خلقه عوين
ولا سجدت اطلب ثوابه وتلقـى مدتـه
لاإلهـن نعبــده غيــــر رب العالمـين
نطلبه عطفه ولطفـــه ونخشـى شدتـه
من عجايب قدرتـــه جـل خلــق الثقليـــن
ويش عذر اللي حياته من الله لدته
اوجد آدم من عدم وخلقه من صلب طين
ويغفر لعبده إذا تاب ويدمـح صدتـه
كيف للانسان يعلو وهو مـاءً مهيـن
لو عطاه الله حزايـن ذهـب ماسدتــه
كلها تفـداك وتهـون لجل الطيبين
ياحياةً بـارد الرأس فيها بدته
وأن بدالك لازمـك ياعشيـــر الغانميــــن
ندعــس الايـام والوقـــت ناطـأ خدته |