ويوفقك يالغالي
علشان دعوتك الطيبة هذه بعلمك بسالفة صارتلي مع طويل العمر ابو يارا
دخلني شمس وبعدها بيومين بعد تحذيره من السوق قال اسمع ياوجه النكبة اليوم اذا ماطلع شمس بيعه بخمسين ريال واطلع من السوق ترى السوق به خربطة ماهي طيبة قلت ابشر ياطويل العمر على هالخشم
وفعلا هبد السوق ودحدر شمس وجلست طول يومي ادعي لابويارا
بعد الهبدة الله يحفظه دخلنا بالكهربائية وبالعربي وقالي اسمع خل الباقي كاش لاتقربه قلت على هالخشم
جا ثاني يوم قالي شكلك مامعك كاش ضحكت وقلت ايه مامعي كاش سامحني ترى انا احيان احس نفسي فنان ولا هيا الشعيبي مو مثلي تراني دخلت بشمس
والله العظيم وقسم محاسب عليه قالي الحين تطلع من شمس وخل الكاش لاتقربه قلت ابشر ياطويل العمر
جا ثاني يوم قالي من وجهك مبين مامعك كاش قلت ايه ياطويل العمر دخلت بساب تكافل عاد وقتها احس لو اني قدام ابو يارا كان صفقني باللاب توب على وجهي
![Smile](images/smilies/smile.gif)
قالي الحين وش اسوي فيك خلاص هذه محفظتك وانت ادرى جلست اصيح
![Big Grin](images/smilies/biggrin.gif)
قلت ياطويل العمر صح محفظتي لكن وربي ما ادري كوعي من بوعي تكفى يبو يارا لاتخليني والله غير يعرمشوني الهوامير عرمشة
يعني والله هالادمي مو مقصر مو باقي غير يفتح محافظنا ويشتري ويبيع لنا
والله ماني محصل كلمات توفيه حقه لكن له منا الدعاء ونرجوا من الله ان يتقبل دعائنا له