رد: بطلت التوصيات وسوف اتابع معكم اسهمكم صباح الخير يا سعود
يعطيك العافية
ما راح اطول عليك بالكلام الكثير وراح اختصر هالرساله بس حبيت اقولك راجع قرارك بخصوص التوصيات
يا سعود انت من توصياتك اروح اقضي للبيت و ادفع الايجار وادفع مصاريف الاولاد واقوم على امي وادفع ايجارها واقضي لها
مالها غيري بعد رب العالمين وانا علي ديون للسماء والتزامات بسبب الوالد وقاعدين نساعد والدينا
وبعد رب العالمين انت نتسخر لنا بتسهيل هالامور
انت ماتتخيل انا سديت دبون قيمتها 736 الف من ورا توصياتك وبقي القليل لان الوالد خسر بمشاريع كبيره والحمدلله بفضل من الله ومن ثم توصياتك بقي لي القليل
يابن الناس لاتتخيل انك بس تربح الناس انت تعاون قضاء حوائجهم
يا سعود سالتك باللي خلقك انك ماتترك هالتوصيات اللي كل ماقمت وقعد ودفعت جزء من الهم دعيت لك
ياسعود لاتتركنا واللي يرحم والديك ويرزقك رضاهم والجنه
لاتخليني ياسعود وانا بحاجتك تساعدني من توصياتك انا مالي بعد رب العالمين الا هالقرشين اللي من ورا السوق بتوصياتك والراتب الله وكيلك ما يكفي مقضي البيت
وقبل ماعرفك يابن الناس خسرت 400 الف بهالسوق والحمد لله بتوصياتك بعد رب العالمين عوضت 315 الف والحين جاي تقول ما راح اوصي
يا ولد الناس ويابن الحلال لاتتركنا |