رد: اربطو الاحزمه من كثر التوصيات
لا واشوف كل البشر اقل شئ تدبيلتين
المصافي الى 150 من 59
فيبكو الى 100
سند الى 100
ولاء الى مادري كم
الاهلي تكافل الى 200
بروج الى مادري وين
وووووووووووووو الاحظ انه
هذا سوق الداو حونز مو السوق السعودي
هل حقيقي اللي يسير يعني من اجل نلحق السوق ونعرف تجمع لنا كم قرش
يعني نبيع السيارة والجوال وذهب الحرمة وندخل السوق ونلحق الدبلات
والا سوق فلس وحرق اموال وبعد بكرة تقول له ليش ماتحققت التوصية
يرد عليك ويقول المشكلة بالسوق ماساعد
اجل وشهوله توصيتك يوم تعرف ان السوق مايساعد
لا وان طلعت التوصية صحيح كل يوم يرتز ويقول شفتم كيف
واذا ماتحققت ماجاب لها خبر واذا احد سأله قال السوق
مقبل على تصحيح والشارت يؤكد انه في اتجاه سلبي
وماتحقق التقاطع ولا ولعت الشمعة والعلم مكسور
يا اخوان اذا التوصيات بس هب ريح
ابشروا من بكرة وانا مسنتر في المتابعة
واول توصية سابك الى 200
وبترو رابغ الى بحر 150 خلال 3 سنوات
وووووووو
ارحمونا من كثر التوصيات وحدثونا بما يعقل
اصبحت كل الانواع التدبيلة الفلانية والتدبيلة العلانية
اللي فاتته تدبيلة تهامة يلحق معنا على سهم الذهب
ادفن فقرك وحقق الثروة سوق الذهب
وكل ما اسئل واحد قال متعلق في السهم الفلاني من 5 سنوات
والله انه سوق متعلقين بلا تدبيلات بلا هم فاضي
عارفين ان اغلب الناس خلصت قروضهم ابو خمس سنوات
واغلب اللي في المتابعة مندوبين بنوك والا تسويق قروض
ويبغون الناس ياخذون قرض جديد ومن ثم مو يدفن فقره الا يدفن العافية
الحقوا على انفسكم يا اخوان والله انه ادمان وحاولوا تتعالجون منه
واللي يوصل لعلاج يعلمني ولايبخل علي شافانا الله جميع وسامحونا خاطرة موجعة لكن تقبلها ،،،، |